ფემინსტრიმი

ფემინსტრიმი

Photo: ქალთა ფონდი საქართველოში. All rights reserved.

ფემინსტრიმი: პეპი გრძელიწინდა და ნარნიას დედოფალი

პოდკასტი (24) ლიტერატურაზე: როდესაც პატარა ვიყავი, ინტერნეტი საქართველოში არ იყო. არც სერიალებს იღებდნენ და კომიქსებთან წვდომაც არ გვქონდა. ამ დროს ჩემთვის რეალობიდან გაქცევის კარგი საშუალება წიგნი იყო და დღესაც არის. ჯერ კიდევ მანამ, სანამ გავიგებდი, რომ ფემინიზმი არსებობს, უკვე დავიწყე სხვადასხვა წიგნში ქალ პერსონაჟებზე დაკვირვება. 

ავტორი ნათია გვიანიშვილი

ფემინსტრიმი: სექსუალური ძალადობის ნარატივი პოპ მუსიკაში

პოდკასტი (23) მუსიკაზე: დაახლოებით 20 წელზე მეტი ხნის წინ, ტორი ამოსი გახდა პირველი ცნობილი მუსიკოსი, რომელმაც საკუთარი სიმღერის საშუალებით გააჟღერა, თუ როგორ გახდა სექსუალური ძალადობის მსხვერპლი 21 წლის ასაკში. 

ავტორი ლილი მამულაშვილი

ფემინსტრიმი: დანიელა ზალცმანი და ქალების ფოტოგრაფია

პოდკასტი (22) არტზე: როცა დანიელას ჰკითხეს, თუ სად ხედავს სექსიზმს თანამედროვე ფოტოჟურნალისტიკის სფეროში,  მან უპასუხა, რომ ეს ძალიან შაბლონური სქემაა, რომელიც არსებობს მამაკაცი ფოტოგრაფების კომუნაში: ისინი ფიქრობენ, რომ ქალმა ფოტოგრაფებმა მათგან უნდა ისწავლონ ყველაფერი. სამწუხაროდ, ასევე ხშირია სექსუალური ძალადობის ფაქტებიც“.

ავტორი ხათუნა ხაბულიანი

ფემინსტრიმი: ქალების პერსპექტივა უკანასკნელი წლების ქართულ კინოში

პოდკასტი (21) კინოზე: უკანასკენლი წლების ქართული კინოს წარმატება მნიშვნელოვანწილად უკავშირდება ქალ რეჟისორებს. ქალი პროტაგონისტის გარშემო აგებული ფილმები ქალის როლისა და ადგილის გადააზრებაზე მეტად ამ უკანასკნელზე ემპირიულ დაკვირვებასა და სოციალური პრობლემის კონსტატაციას გვთავაზობს.

ავტორი თეო ხატიაშვილი

ფემინსტრიმი: ბრძოლა, რომელიც გრძელდება

პოდკასტი (20) მუსიკაზე: ჯენი ჰვალი აცხადებს, რომ სტატისტიკური მონაცემები და გაზეთები მისი უბედურების შესახებ წერენ. წერენ, რომ მას აუცილებლად სჭირდება მამაკაცი და შვილი, რათა თავი სრულყოფილად იგრძნოს, რომ დიდი ალბათობით მკერდის კიბო განუვითარდება. ნაზი ჟღერადობის ფონზე იგი კაპიტალიზმის ტრიუმფზე, სოციალიზმისა და ფემინიზმის დასასრულზე მღერის, აცხადებს რომ ბრძოლა დამთავრებულია და ახლა უკვე შეუძლია ყველაფერი მოიხმაროს, რასაც მოისურვებს.

ავტორი ლილი მამულაშვილი

ფემინსტრიმი: ნატალი დიურბერგი

პოდკასტი (19) არტზე: ნატალი დიურბერგის ნამუშევრებს აღწერენ, როგორც მოგზაურობებს ადამიანის ბუნების ყველაზე ჭირვეულსა და ცხოველურ იმპულსებში. მისი ერთი შეხედვით უწყინარი, ნაივური პლასტელინის პერსონაჟები, რომლებითაც ანიმაციური ისტორიებია აგებული, მოულოდნელი და შოკისმომგვრელი ქცევებით ხასიათდებიან, სადაც ადგილი არ აქვს მორალს. 

ავტორი ხათუნა ხაბულიანი

ფემინსტრიმი: “პირველი ფემინისტური ფილმი საბჭოთა კავშირიდან”

პოდკასტი (18) კინოზე: საბჭოთა ქალის ემანსიპატორულ რიტორიკაში ერთგვარი დისონანსი შეიტანა ლანა ღოღობერიძის ფილმმა “რამდენიმე ინტერვიუ პირად საკითხებზე”. მოულოდნელად აღმოჩნდა, რომ თითქოს თანასწორ საზოგადოებაში ქალი, როგორც დედა და ცოლი მაინც ვერ თავსდებოდა ქალ-პროფესიონალთან, მისგან მაინც ოჯახისთვის შეწირვას ითხოვენ, როდესაც საკუთარი თავისთვის აღარაფერი რჩება. 

ავტორი თეო ხატიაშვილი

ფემინსტრიმი: ქლოს ოლივია მოსწონდა

პოდკასტი (17) ლიტერატურაზე: "ხომ გახსოვთ „ბეჩდელის ტესტზე“ რომ ვსაუბრობდით და ვამბობდით, რომ ორი ქალი ერთმანეთს კაცის გარდა სხვა რამეზეც თუ ელაპარაკება - ძალიან კარგია. და თუ ამ ორ ქალს ერთმანეთი უყვარს - მთლად უკეთესი."

ავტორი ნათია გვიანიშვილი

ფემინსტრიმი: ლუის ბურჟუას დედა ობობა

პოდკასტი (16) არტზე: 'მე ვიმოგზაურე ჯოჯოხეთში, დავბრუნდი და გეტყვით, რომ ეს მოგზაურობა მომეწონა. ეს სიტყვები ლუის ბურჟუას ეკუთვნის, რომლიც ნამუშევრები თითქმის მთელი მეოცე საუკუნის განმავლობაში იქმნებოდა.'

ავტორი ხათუნა ხაბულიანი

ფემინსტრიმი: ქალი დიჯეი საქართველოდან - ინტერვიუ

პოდკასტი (15) მუსიკაზე: ამ პოდკასტისათვის გადავწყვიტე ყურადღება გამემახვილებინა ლოკალურ კონტექსტზე, სწორედ ამიტომ, მეყოლება სტუმარი, ქალი დიჯეი - ხატია ტყავაშვილი, რომელსაც მსმენელის ნაწილი ალბათ უფრო სასცენო სახელით - ლილითით იცნობს და რომელიც საკუთარ გამოცდილებების შესახებ გვიამბობს.

ავტორი ლილი მამულაშვილი

ფემინსტრიმი: მხევლის მარცხენა ხელი

პოდკასტი (14) ლიტერატურაზე: სამეცნიერო ფანტასტიკის პირველ ნიმუშად მერი შელის 1818 წელს გამოსული რომანი, ფრანკენშტაინი ითვლება, თუმცა ფენტეზის ჟანრი განსაკუთრებით დომინირებულია კაცებით. პოდკასტში ნათია საუბრობს განსხვავებულ და გამორჩეულ წიგნზე ამ ჟანრიდან, მარგარეტ ეტვუდის ‘მხევლის წიგნზე’, ჯოან როულინგზე, ტუვე იანსონის ‘მუმინების თავგადასავალზე’ და ახლებურად შეგვახედებს არა მარტო წიგნებზე, არამედ მათ ავტორებზეც.

ავტორი ნათია გვიანიშვილი

ფემინსტრიმი: კუდიანი ქალები

პოდკასტი (13) კინოზე: კუდიანი ქალი თავისი მრავალფეროვანი ინვარიაციებით ერთ-ერთი ყველაზე პოპულარული და გავრცელებული სახეა მითოლოგიასა და ფოლკლორში, რაც კინოშიც უკვე ადრეული, უხმო პერიოდიდან მოყოლებული წარმატებით დამკვიდრდება. ის წარმოაჩენს ქალის მიმართ არსებულ ძირითად შიშებს - შიშს მისი ჭკუისა და სექსუალობის მიმართ.

ავტორი თეო ხატიაშვილი

ქართველი ქალი მწერლების სრული სამზარეულო

პოდკასტი (12) ლიტერატურაზე: აბა, რას ვიფიქრებდი, რომ ეკატერინე გაბაშვილის „მაგდანას ლურჯა“ ფემინისტური ნაწარმოებია? ან, რომ ბარბარე ჯორჯაძე, რომელიც სამზარეულოს რეცეპტების წიგნთანაა მხოლოდ დაკავშირებული, თურმე ქართული ფემინიზმის მანიფესტის ავტორია? თანამედროვე ქალი მწერლებით კი პირველად 2010 წელს დავინტერესდი. რატომ არიან ისინი მწერალი ქალები და არა მწერლები?

ავტორი ნათია გვიანიშვილი

ქალები ელექტრონულ მუსიკაში

პოდკასტი (11) მუსიკაზე: მაშინ, როცა გასული ათწლეულების მანძილზე ფემინისტი შემსრულებლები აქტიურად იმკვიდრებდნენ თავს მუსიკალურ ანდერგრაუნდში, თანამედროვე ტექნოლოგიურმა პროგრესმა მათ მისცა შესაძლებლობა სხვა ჟანრშიც მოსინჯონ თავი. შესაბამისად, დღეს უფრო და უფრო მეტ ქალ შემსრულებელს ვხედავთ ელექტრონულ მუსიკაში.

ავტორი ლილი მამულაშვილი

ფემინსტრიმი: ნათელა გრიგალაშვილი და მისი ფოტო ისტორიები

პოდკასტი (10) არტზე: ნათელა გრიგალაშვილი ფოტო ამბების საუკეთესო მთხრობელია და ეს ამბები ხშირად ეხება ქალებს, რომლებიც არ ჩანან, რომლებითაც არც საზოგადოება და არც მედია განსაკუთრებით არც ინტერესდება და რომელთაგან თითოეულის ბიოგრაფია უკავშირდება ტრადიციისა და კულტურის ისეთ დამთრგუნველ სისტემას, რომელთან ბრძოლაც მათ არასდროს უცდიათ ცვლილების მოლოდინების არარსებობის ან პრობლემის გაუცნობიერებლობის გამო. 

ავტორი ხათუნა ხაბულიანი

ფემინსტრიმი: გაცვლითი მზერა შანტალ აკერმანთან

პოდკასტი (9) კინოზე: შანტალ აკერმანის ფილმებს ჟესტიკულაციის კინო შეიძლება ვუწოდოთ, სადაც რუტინის განმეორებადობაში ნაჩვენები ქალის სხეული იქცევა არა ეროტიკულ ფეტიშად მისი ტრადიციული რეპრეზენტირების მსგავსად, არამედ ქალის იდენტიფიკაციის საშუალებად.

ავტორი თეო ხატიაშვილი

ფემინსტრიმი: შენი სხეული ბრძოლის ველია

პოდკასტი (8) მუსიკაზე: "რა ადგილი უჭირავს ქალ შემსრულებლებში სილამაზის პატრიარქალურ სტანდარტებს? პოდკასტში ვსაუბრობ თუ როგორ აღიქვამენ და მღერიან ისინი სილამაზეზე, რა გზით უპირისპირდებიან სამომხმარებლო კულტურას, რომელიც ქალის სხეულს ერთგვარ ბრძოლის ველად აქცევს."

ავტორი ლილი მამულაშვილი

ფემინსტრიმი: საკუთარი ოთახი ყვითელი შპალერით

ქალის თვითმკვლელობაზე ყოველთვის რატომღაც ჯეინ ეარი, უფრო სწორად, სხვენში გამოკეტილი გიჟი ქალი მახსენდება. ეს ქალი ფაქტობრივად როჩესტერის და ჯეინის ბედნიერებას უშლის ხელს, ამიტომ, ხანძარი, რომელშიც ბერტა ფაქტობრივად იკლავს თავს, სიუჟეტისთვის ერთგვარი შვებაა. მაგრამ რამდენი თქვენგანი დაინტერესებულა ამ ქალის ნამდვილი ისტორიით? 

ავტორი ნათია გვიანიშვილი

ფემინსტრიმი: ქართლის დედა და მისი კრიტიკა

პოდკასტი (6) არტზე: ქართლის დედა და მისი ანალოგები პატრიოტი დედის მონუმენტური ქანდაკებებია, რომელიც ყოფილი საბჭოთა ქვეყნების არაერთ ქალაქში დაიდგა. ისინი სოციალისტური რეალიზმის ჟანრის ქმნილებებია და კულტურაში ქალის იდენტობის პლაკატურ ილუსტრაციას წარმოადგენს.

ავტორი ხათუნა ხაბულიანი

ფემინსტრიმი: კატრინ ბრიას "სხეულის კინო"

პოდკასტი (5) კინოზე: ფრანგი რეჟისორის, კატრინ ბრიას "სხეულის კინო" შოკისმომგვრელი ეფექტით გაიძულებს შეცვალო ან ყოველ შემთხვევაში სხვა თვალით შეხედო ქალის დეტერმინირებულ როლს, აღიარო, რომ ქალის სექსუალობა - რომლის არსებობა დიდი ხნის განმავლობაში უარყოფილი იყო - არსებობს. 

ავტორი თეო ხატიაშვილი

ფემინსტრიმი: როგორ ამოვიცნოთ ფემინისტური ლიტერატურა?

პოდკასტი (4) ლიტერატურაზე: როგორც ვირჯინია ვულფი თავის ესეში „საკუთარი ოთახი“ წერს: „ქალს უნდა ჰქონდეს ფული და საკუთარი ოთახი, თუკი ის მხატვრული ლიტერატურის შექმნას აპირებს“.

ავტორი ნათია გვიანიშვილი

ფემინსტრიმი: ვარდისფერი საძინებლიდან ფემინისტურ რევოლუციამდე

პოდკასტი (3) მუსიკაზე: ასობით ვარდისფრად შეღებილი, მაქმანებით მორთული საძინებლებიდან დაწყებული ფემინისტური რევოლუცია, - ასეთი დახასიათება მოუძებნა 1992 წელს ერთმა პოპულარულმა ჟურნალმა 'ამბოხებული გოგონების' (Riot Grrrrlz) მოძრაობას.

ავტორი ლილი მამულაშვილი

ფემინსტრიმი: ღმერთი მოკვდა, გაუმარჯოს ქალღმერთს - თეო ხატიაშვილის პოდკასტი კინოზე

პოდკასტი (1) კინოზე: ღმერთი მოკვდაო - განგაშითა თუ სკეფსისით შეხვდნენ ამ ცნობას ადამიანები. მათ აღარ ახსოვდათ და ამიტომ აღარც დარდობდნენ უფრო ადრეულ, ქალღმერთის სიკვდილზე.

ავტორი თეო ხატიაშვილი

ფემინსტრიმი: თეო ხატიაშვილის პოდკასტების ანონსი

ქალი კინოში ძირითადად მამაკაცის პერსპექტივიდან არის წარმოდგენილი. თეოს პოდკასტების ციკლი სიმბოლურად ქალღმერთის გაცოცხლებით დაიწყება.

ლესბოსური ფემინიზმი და სეპარაცია როგორც პოლიტიკური წინააღმდეგობის ფორმა

ლესბოსური ფემინიზმის ერთ-ერთი ყველაზე საინტერესო ასპექტი, ალბათ, მაინც სეპარატიზმია, რომელშიც კაცებისა და პატრიარქალური ინსტიტუციებისგან ემოციური, სოციალური, სექსუალური, ეკონომიკური და პოლიტიკური გამოყოფა მოიაზრება.

ავტორი ნათია გვიანიშვილი

„სილამაზის“ მახინჯი მითები

სილამაზის ფანტომი სწორედ იმიტომ არის მოუხელთებელი, რომ იგი ვერასოდეს იქნება რეალური. ზუსტადაც რომ ამ ფანტომური ოცნების მიზანდასახულად აღსრულებაზეა დამოკიდებული ქალის მიერ საკუთარი „წინსვლასა და ღირსებაში“ მუდმივი „ინვესტიცია“− ფანტომის დევნის მუდმივი სურვილი.

ავტორი ეკა იმერლიშვილი

ქალი, ქალები, ფემინიზმები - განსხვავების გადააზრება ფემინისტურ თეორიაში

სტატია შეეხება „განსხვავებულობას“, ერთი შეხედვით მარტივ საკითხს, თუმცა სწორედ „განსხვავებულობაა“ ის, რის შესახებაც ძალიან ხშირად და  ბევრს კამათობენ.

ავტორი დაკო ბახტურიძე

გადაცემა 25: როგორია ქალი კინოში?

როგორ არის წარმოდგენილი ქალი კინოში? როგორ შეიძლება შეუწყოს ხელი კინემატოგრაფმა მითების შექმნას, როგორ შეიძლება დაამკვიდროს სტერეოტიპები ან დაანგრიოს? სტუმრები: სალომე ცოფურაშვილი და სალომე საღარაძე.

გადაცემა 24 : ქალების ჩაგვრა - თეორია და პრაქტიკა

რატომ დაიწყო ქალების ჩაგვრა და დღეს რა ფორმით გრძელდება? არის თუ არა შანსი, რომ ოდესმე შეჩერდეს და რისი გააზრებაა ამისთვის საჭირო? სტუმრები: ანა რეხვიაშვილი და ლარისა (ლალუ) პატარაია.

გადაცემა 23: არის თუ არა გენდერული თანასწორობის მომხრე - ფემინისტი?

როდის, რატომ და როგორ შეიქმნა ფემინისტების მიმართ არსებული სტერეოტიპები? ვის და რატომ აშინებს სიტყვა „ფემინისტი“? სტუმრები: ალა პარუნოვა და ნინო გამისონია.

გადაცემა 22 : კაცების როლი ფემინისტურ და ქალთა მოძრაობებში

როდის და რა ფორმით ერთვებიან კაცები თანასწორობისთვის ბრძოლის აქტივიზმში? რა მდგომარეობაა დღეს ამ მხრივ საქართველოში? სტუმარი: გიორგი ურჩუხიშვილი და სოფო ტაბატაძე.

გადაცემა 21: ზღაპრული ქალები

გადაცემაში ვისაუბრეთ კლასიკურ თუ თანამედროვე ზღაპრებზე, რომლებიც სტერეოტიპებს ქმნიან და ამკვიდრებენ. სტუმრები: სალომე ბენიძე და მაიკო ჩიტაია.

გადაცემა 20: გენდერული პარამეტრი საგანგებო სიტუაციებზე რეაგირების გეგმაში

როგორია ქალის ბედი ბუნებრივი კატასტროფების დროს? ქალები და ბავშვები საგანგებო სიტუაციებში ყველაზე მოწყვლად ჯგუფს წარმოადგენენ. სტუმრები: თამარ ბაგრატია და თამარ მეარაყიშვილი.

გადაცემა 19: რამდენი ფემინიზმი არსებობს?

დღეს ხშირად საუბრობენ რომ არსებობს არა ფემინიზმი არამედ ფემინიზმები. რა პრინციპული მსგავსებები და განსხვავებებია ფემინისტურ მიმდინარეობებს შორის? სტუმარი: თამარ ცხადაძე, ფილოსოფოსი.

გადაცემა 18: რა არის სექსუალური შევიწროება?

სექსუალური შევიწროება ტაბუდადებული თემაა, თუმცა არაერთ ქალს განუცდია ამგვარი რამ. როგორ უნდა დაიცვას ქალმა თავი და იცის თუ არა მან თავისი უფლებები? სტუმრები: ლიკა ჯალაღანია და ლელა ცისკარიშვილი.

გადაცემა 17: ქალის სხეული, როგორც საომარი ტერიტორია

ქალის სხეული ხშირად აღიქმება ქვეყნის ეროვნულ საგანძურად. ამიტომ, ომის დროს სიმბოლურად ქალის სხეულიც საომარ ტერიტორიად იქცევა. სტუმრები: ლია მუხაშავრია და ნინო ნანიტაშვილი.

გადაცემა 15: ქალებად არ იბადებიან, ქალები ხდებიან

რას გულისხმობს სქესებს შორის განსხვავება? სქესი, როგორც ბიოლოგიური კატეგორია, და გენდერი - როგორც სოციალური კატეგორია. სტუმრები: ნონა სამხარაძე და მარიამ თოფჩიშვილი.

გადაცემა 14: რა არის ფსევდო-ემანსიპაცია?

რა შედეგები მოუტანა ინდუსტრიალიზაციამ ქალებს? როგორი იყო ეს პროცესები საბჭოთა ეპოქაში და გამოდგება თუ არა საბჭოთა ქალი ფსევდო-ემანსიპაციის მაგალითად? სტუმრები: ქეთა ჩხეიძე და ნარგიზა არჯევანიძე.

გადაცემა 13: აბორტი - ქალის უფლება

აბორტზე საუბარი მრავალი თვალსაზრისით არის მნიშვნელოვანი, მაგრამ მიმდინარე გადაცემაში ერთი - სამართლებრივი ასპექტია განხილული. სტუმრები: თამარ დეკანოსიძე და თათა ურუშაძე. 

გადაცემა 12: რელიგია და ფემინიზმი

გადაცემაში საუბარია რელიგიის მიერ ქალისათვის დაწესებულ ნორმებზე. რამდენად ახლოს ან შორს არის რელიგია ფემინიზმთან და არის თუ არა ფემინისტური რელიგია ოქსიმორონი? სტუმარი: რუსუდან გოცირიძე.

გადაცემა 11: ქალები "ვაჟური ყრილობების" პირისპირ - ისტორიულად და დღეს

ვინ იყვნენ ქართველი ფემინისტები, ვინც ქართულ საზოგადოებაში წამოიწყო დისკუსია "ქალთა საკითხის" შესახებ? სტუმრები: ისტორიკოსი ლელა ხომერიკი და სამოქალაქო აქტივისტი ნანა ბაგალიშვილი.

გადაცემა 10: ვინმე თუ ითვლის გათხოვილ ბავშვებს?

რატომ არის პრობლემა ადრეულ ასაკში ქორწინება? რამდენად ხშირია ამგვარი შემთხვევები? რა იწვევს ან რა მოსდევს ამ ამბავს? სტუმრები: ეკა სხილაძე და თამთა კახაბერიძე.

გადაცემა 9: ქალის ხმა

რას ნიშნავს „ქალის განსხვავებული გამოცდილება“, როგორ ხდებოდა საუკუნეების მანძილზე ქალის ხმის ხან იგნორირება, ხან კი ჩახშობა? სტუმრები: თამარ ონოფრიენკო და ლია ლიქოკელი. 

გადაცემა 8: სამუშაოდ წასული ქალების ხვედრი და არჩევანი

რა არის „მიგრაციის ფემინიზაცია“ და რა მოაქვს მას ქალებისთვის? რამდენად თავისუფლები არიან ქალები თავიანთ არჩევანში შრომითი მიგრაციის დროს? სტუმრები: სალომე დოლიძე და ანა გამისონია.

გადაცემა 6: ლბტ ქალები და ჰომოფობია

რა პრობლემებს აწყდებიან ლბტ ქალები საქართველოში და რატომ არის მათი მონაწილეობა ფემინისტურ მოძრაობაში აუცილებელი? სტუმრები: ეკა აღდგომელაშვილი და ლია ჯაყელი.

გადაცემა 5: ქალი პოლიტიკური სტერეოტიპების პირისპირ

რატომ მიუძღვნეს ქალებმა წლევანდელი 8 მარტი პოლიტიკაში მონაწილეობის პრობლემას? ქალების მარში და მოთხოვნა „მეტი ქალი პარლამენტში“. სტუმრები: დავით ბერძენიშვილი და ხათუნა სამნიძე.

გადაცემა 4: რა არის 8 მარტი?

რა არის 8 მარტი? პოლიტიკური მნიშვნელობის და უფლებებისათვის ბრძოლის დღე, თუ ქალებისთვის ყვავილებით და სუნამოთი გამოხატული ფსევდო-პატივისცემის დღე? სტუმრები: თეო ხატიაშვილი და თინა მახათაძე.

გადაცემა 3: ქალის მარგინალიზაცია

ქალის მარგინალიზაცია ქართულ საზოგადოებაში. მარგინალიზაციის მიზეზები და ის, თუ რა მოჰყვება ამას. სტუმრები: ნანა ბერეკაშვილი და მარიამ თედლიაშვილი.

გადაცემა 2: გენდერული სტერეოტიპები და მედია

ვისი პასუხისმგებლობაა სტერეოტიპების შექმნა ან დამსხვრევა? გენდერული მგრძნობელობა და სექსიზმი ქართულ რეალობაში? სტუმრები: თამარ კინწურაშვილი და ირა ჭელიძე.

გადაცემა 1: ფემინიზმი და მსოფლიოს ქალთა მოძრაობები

რა შეიცვალა მას შემდეგ, რაც 1913 წელს ვაშინგტონის ქუჩებში ქალების მსვლელობა გაიმართა, რომლებიც არჩევნებში მონაწილეობის უფლებას ითხოვდნენ? სტუმრები: თამარ საბედაშვილი და ლელა გაფრინდაშვილი.

პროექტის შესახებ

ქალთა ფონდმა საქართველოში და ჰაინრიჰ ბიოლის ფონდის სამხრეთ კავკასიის რეგიონულმა ბიურომ პროექტი ფემინსტრიმი ახალი ფორმატით გააგრძელეს. 2017 წლის მარტში დაანონსდა პროექტის გაგრძელება ფემინისტური აუდიო პოდკასტების სახით.

ფემინსტრიმის მიზანია ხელოვნების, მუსიკის, ლიტერატურისა და კინოს ფემინისტური პერსპექტივიდან განხილვა აუდიო პოდკასტების ფორმატით. გუნდის ძველი და ახალი წევრები არიან:

- ნათია გვიანიშვილი - ლიტერატურა;
- თეო ხატიაშვილი - კინო;
- ლილი მამულაშვილი - მუსიკა;
- ხათუნა ხაბულიანი - ხელოვნება.

 

<<<<<>>>>>>

პროექტის პირველი ეტაპი  2015 წელს დაიწყო, როდესაც ქალთა ფონდმა საქართველოში ჰაინრიჰ ბიოლის ფონდის სამხრეთ კავკასიის რეგიონული ბიუროს ფინანსური მხარდაჭერით მოამზადა რადიოგადაცემის ფემინსტრიმი ციკლი. პროექტი ხორციელდებოდა რადიო თავისუფლებასთან და ფემინისტების დამოუკიდებელ ჯგუფთან თანამშრომლობით.

ფემინსტრიმი რადიო თავისუფლების ეთერში (FM 107.4) გენდერული ამბების პროგრამის ფარგლებში ყოველ ოთხშაბათს, 13:00 საათზე გადიოდა (2015 წლის თებერვალი-ივლისი). განმეორებით ფემინსტრიმის მოსმენა შესაძლებელი იყო ყოველ შაბათს 13:00 საათზე რადიო თავისუფლების ეთერში. ასევე ყოველ ოთხშაბათს 21:00 საათზე და ხუთშაბათს 10:00 საათზე "ფემინსტრიმის" ჩანაწერი გადიოდა ArtArea-ს ეთერში.

რადიო გადაცემის ფორმატი:
დღის დიალოგი – ქალთა უფლებრივი მდგომარეობის აქტუალური საკითხები, განხილული ფემინისტური თეორიების ჭრილში;
ფემინისტური მუსიკა – ინფორმაცია ფემინისტური ჯგუფებისა და შემსრულებლების შესახებ, ფემინისტების საკულტო სიმღერების პრეზენტაცია;
ქალის ამბავი – ქალთა დაკარგული წვლილი და ისტორიები.