(დასრულებული პროექტი)
ჰაინრიჰ ბიოლის ფონდის სამხრეთ კავკასიის რეგიონული ბიუროს ფინანსური მხარდაჭერით კინოხელოვნების ცენტრმა „პრომეთემ“ თბილისის მე-16 საერთაშორისო კინოფესტივალის ფარგლებში სპეციალური, გენდერული სექცია მოამზადა. კინოჩვენებების გარდა, სექცია „ქალთახედვა/Womeneyes“ ითვალისწინებდა დისკუსიების მოწყობას ადგილობრივი და სამხრეთ კავკასიის რეგიონიდან მოწვეული მომხსენებლების მონაწილეობით.
კინოფესტივალის მთავარი თემა სწორედ ქალთა უფლებები იყო, ხოლო სექციის „ქალთახედვა/Womeneyes“ ფარგლებში ქალი რეჟისორების მიერ გადაღებული შვიდი სრულმეტრაჟიანი მხატვრული ფილმის ჩვენება მოეწყო. პროექტის მიზანი იყო საერთაშორისო კინო-ნამუშევრების ჩვენების ფონზე ფართო საზოგადოებაში ღია მსჯელობის წახალისება და ცნობიერების ამაღლება ისეთ თემებზე, როგორებიცაა: გენდერული თანასწორობა, ქალთა მიმართ ძალადობა, ქალთა პოლიტიკური, სოციალური თუ კულტურული რეალიზაცია, ფემინიზმი, ქალთა კინო, ქალი ხელოვნებაში. პროექტი ასევე მიზნად ისახავდა ინფორმაციის გაცვლას და ქსელური კავშირების დამყარება-გაღრმავებას სამხრეთ კავკასიის რეგიონში მოქმედ ექსპერტებსა და კინოხელოვნების სფეროში ჩართულ ადამიანებს შორის.
ფილმების სია:
- ბარაში – მიჰალ ვინიკი, ისრაელი, 2015, 81 ;
- როდესაც თვალს ვახელ - ლეილა ბუზიდი, ტუნისი/საფრანგეთი/ბელგია/არაბეთის გაერთიანებული საემიროები, 2015, 102’
- ძალიან საყვარელი – ნაბილ აიუჩი, საფრანგეთი/მაროკო, 2015, 108’
- ძაღლი – ესენ ისიკი, შვეიცარია/თურქეთი, 2015, 95’
- პოლინა – სანტიაგო მიტრე, არგენტინა/ბრაზილია/საფრანგეთი, 2015, 103’
- ვანია – კაროლინა ჰელსგარდი, გერმანია, 2015, 87’
- უსიმღერო ქვეყანა – აიათ ნაჯაფი, გერმანია/საფრანგეთი/ირანი, 2014, 90’
- სისხლისმიერი დები – მალინ ანდერსონი, შვედეთი/ირლანდია/დანია/ნორვეგია/ფინეთი/ საფრანგეთი, 2015, 80’
- ინდოეთის ქალიშვილი – ლეზლი უდვინი, დიდი ბრიტანეთი/ინდოეთი, 2015, 63’
სეანსების შემდეგ გაიმართა 3 კითხვა-პასუხის სესია:
- ვანია (კაროლინა ჰელსგარდი/რეჟისორი);
- სისხლისმიერი დები (მალინ ანდერსონი/რეჟისორი);
- ინდოეთის ქალიშვილი (რიდჰი ჯა/პროდიუსერი).
ასევე, სექციის ფარგლებში მოეწყო 3 პანელ - დისკუსია სამხრეთ კავკასიის ქვეყნებიდან მოწვეული გენდერის ექსპერტების, ქალთა ორგანიზაციების, გენდერულ საკითხებზე მომუშავე მკვლევარების და ქალი კინემატოგრაფისების მონაწილეობით:
- იდენტობის ფორმირება ოჯახში;
- გენდერული ძალადობა და ქალთა უფლებები კანონმდებლობაში;
- ქალები კინოში.